ரிஷப ராசி அன்பர்களே!
ரிஷப ராசி அதிபதியான சுக்கிரன் 8ம் வீடான தனுசு ராசியில் சஞ்சரிப்பதால் இந்த மாதம் சற்று கவனமாக செயல்பட வேண்டிய மாதமாகும். 8ல் சுக்கிரன் இருப்பதால் உங்கள் செய்ல்பாடுகள் எதுவாக இருந்தாலும் சரியான திட்டமிடல், யோசனைகள் தேவை. உணவு விஷயங்களிலும் கவனமாக இருக்கவும். வயதானவர்களின் ஆரோக்கியத்தில் கவனம் தேவை. தாயின் மன கவலையை போக்க உதவுங்கள்.
இந்த மாதம் சுமாரான மாதமாக இருக்கும் என்பதால் நீங்கள் மகாலட்சுமி தேவியை வழிபடுவதோடு, உக்கிர தெய்வங்களான காளி, துர்க்கை, நரசிம்மர் போன்ற தெய்வங்களை வழிபடுவது அவசியம். இதன் மூலம் மனக்குழப்பம் நீங்கும். பிரச்னைகள் தீரும்.
உத்தியோகஸ்தர்கள் நீங்களாக முடிவை எடுப்பதைத் தவிர்க்கவும். எந்த ஒரு புதிய திட்டங்கள் அல்லது செயல்பாடுகளையும் மேலதிகாரிகளுடன் ஆலோசித்து, ஒப்புதல் பெற்று செய்யவும். சக ஊழியர்களை அனுசரித்துச் செல்லவும்.
பொருளாதார நிலை ஏற்ற, இறக்கமாக இருக்கும். உங்களின் செயலுக்கு பலன் கிடைக்க தாமதமாகலாம். மாத இறுதியில் நிதி நிலைமை சிறக்கும். குடும்பத்தில் நிம்மதி கிடைக்கும்.
சந்திராஷ்டம நாட்கள்: பிப்ரவரி 25, 26 இந்த நாட்களில் புதிய முயற்சிகளைத் தவிர்ப்பது அவசியம்.
கவனமாக இருக்க வேண்டிய நாட்கள்: பிப்ரவரி 10,, 25
...
